ETR.FM

தமிழக துணை முதலமமைச்சராக உதியநிதி ஸ்டாலின் நியமனம்!

29.09.2024 08:44 2 நிமிட வாசிப்பு
தமிழக துணை முதலமமைச்சராக உதியநிதி ஸ்டாலின் நியமனம்!

தமிழக அமைச்சரவை மாற்றம் குறித்த அதிகாரப்பூர்வ அறிவிப்பு வெளியாகியுள்ளது. அதன்படி, இளைஞர் நலன் மற்றும் விளையாட்டு துறை அமைச்சராக இருந்த உதியநிதி ஸ்டாலின் தமிழ்நாட்டின் துணை முதலமமைச்சராக நியமிக்கப்பட்டுள்ளார்.

தொடர்ந்து, 6 அமைச்சர்களின் பதவிகள் மாற்றி அமைக்கப்பட்டுள்ளது. அதன்படி, உயர்கல்வித் துறை அமைச்சர் பொன்முடி, வனத்துறை அமைச்சகராக மாற்றம் செய்யப்பட்டுள்ளார்.

மெய்யநாதன் பிற்படுத்தப்பட்டோர் நலத்துறை அமைச்சராகவும், கயல்விழி செல்வராஜ் மனிதவள மேம்பாட்டுத்துறைக்கு அமைச்சராகவும் நியமிக்கப்பட்டுள்ளனர்.

மதிவேந்தன்- ஆதிதிராவிடர் நலத்துறை அமைச்சராகவும், ராஜகண்ணப்பன்- காதி மற்றும் பால்வளத்துறை அமைச்சராகவும் தங்கம் தென்னரசு நிதி மற்றும் சுற்றுச்சூழல் துறை அமைச்சராகவும நியமிக்கப்பட்டுள்ளனர்.

செந்தில் பாலாஜி மீண்டும் அமைச்சர் ஆகிறார். அவருக்கான பதவி  பின்னர் அறிவிக்கப்படும் என தெரிவிக்கப்பட்டுள்ளது.

செந்தில் பாலாஜியுடன், கோவி.செழியன், ராஜேந்திரன், எஸ்.எம்.நாசர் ஆகியோரும் அமைச்சர்களாக நியமிக்கப்பட்டுள்ளனர்.

இதேவேளை, மனோ தங்கராஜ், செஞ்சி மஸ்தான், கே.ராமச்சந்திரன் ஆகியோர் தமிழக அமைச்சரவையில் இருந்து நீக்கப்பட்டுள்ளனர்.

அமைச்சரவையில் இருந்து நீக்கப்பட்ட கே.ராமச்சந்திரனுக்கு அரசு தலைமை கொறடாவாக நியமனம் செய்யப்பட்டுள்ளதுடன், புதிய அமைச்சர்களின் பதவியேற்பு விழா இன்று மாலை 3.30 மணிக்கு நடைபெறும் என ஆளுநர் மாளிகை அறிவித்துள்ளது.

இதேவேளை, அமைச்சரவை மாற்றம் தொடர்பான முதலமைச்சரின் பரிந்துரைக்கு ஆளுநர் ஆர்.என்.ரவி ஒப்புதல் அளித்துள்ளார் என்பது குறிப்பிடத்தக்கது.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்