ராணுவ தளங்களை தாக்கிய இந்திய விமானப்படை!

பாகிஸ்தான் ராணுவ தளங்களை தாக்க இந்திய விமானப்படை BrahMos ஏவுகணையை பயன்படுத்தியிருக்கலாம் என கூறப்படுகிறது. பாகிஸ்தானின் இராணுவ தளங்களை நோக்கி இந்தியா சனிக்கிழமை காலை மேற்கொண்ட பதிலடி தாக்குதலில் உயர் துல்லிய guided ஏவுகணைகள், loitering munitions மற்றும் BrahMos supersonic cruise missiles ஆகியவை பயன்படுத்தப்பட்டிருக்கலாம் என தகவல்கள் வெளியாகியுள்ளன.

தாக்கப்பட்ட முக்கிய பாகிஸ்தான் விமான நிலையங்களில் ரஃபிகி (ஷொர்கோட்), முரிட் (சாகுவால்), நூர் கான் (சக்லாலா), ரஹீம் யார் கான், சுக்கூர், சுனியன், ஸ்கர்டு, போலாரி, ஜேக்காபாத் மற்றும் சார்கோதா ஆகியவை அடங்கும்.

பாச்ரூர் மற்றும் சியால்கோட் ஆகிய இடங்களில் உள்ள ரேடார் மையங்கள் துல்லிய ஏவுகணைகளால் அழிக்கப்பட்டன.

இந்த தாக்குதலில் ரஃபேல் போர் விமானங்களில் இருந்து ஏவக்கூடிய SCALP, HAMMER மற்றும் BrahMos ஏவுகணைகள் பயன்படுத்தப்பட்டிருக்கலாம் என கூறப்படுகிறது.

அப்படியானால், இதுவே BrahMos ஏவுகணையின் முதல் நேரடி போர்க்களப் பயன்பாடு ஆகும்.

இந்திய பாதுகாப்பு தரப்புகள், பொதுமக்கள் பாதிக்கப்படாதவாறு, பாகிஸ்தானின் ராணுவ கட்டமைப்புகள் மட்டுமே குறி வைக்கப்பட்டன என்று தெரிவித்தன. இதில் கட்டுப்பாடு மையங்கள், ரேடார் தளங்கள், மற்றும் ஆயுத சேமிப்பு மையங்கள் உள்ளடங்கும்.

PAF (பாகிஸ்தான் விமானப்படை) ஸ்கர்டு மற்றும் போலாரி தளங்கள் உள்பட முக்கிய விமான தளங்கள் தாக்கப்பட்டன.

இந்திய ராணுவம், பாகிஸ்தான் 26 இடங்களில் விமான நுழைவைக் கடந்து தாக்க முயற்சித்ததாகவும், அனைத்தும் தடுக்கப்பட்டதாகவும் தெரிவித்தது. சில இந்திய விமான தளங்களில் சிறிதளவு சேதம் ஏற்பட்டது.

இந்த தாக்குதலுக்குப் பிறகு இந்தியா, “நாங்கள் ஏற்கனவே பதிலடி கொடுத்துள்ளோம். மேலும் பதிலடி வேண்டாமெனில் பாகிஸ்தானும் எச்சரிக்கையாக இருக்க வேண்டும்” என்று தெரிவித்துள்ளது.