நாவற்குழியில் ரயில் மோதி ஒருவர் படுகாயம்!

யாழ். - நாவற்குழிப் பகுதியில் நேற்று காலை ரயில் மோதி அரச உத்தியோகத்தர் ஒருவர் படுகாயமடைந்துள்ளார். நாவற்குழி ரயில் நிலையத்தை அண்மித்துள்ள பாதுகாப்பற்ற தொடருந்து கடவை ஒன்றைக் கடக்க முற்பட்டபோதே தொடருந்து மோதி ஒருவர் படுகாயமடைந்துள்ளார்.

உள்ளூராட்சி சபையொன்றில் பணிபுரியும் 52 வயதான நபரே காலையில் பணிக்குச் செல்லும் போது இவ்வாறு விபத்துக்குள்ளாகியுள்ளார். இந்நிலையில், குறித்த நபர் யாழ். போதனா வைத்தியசாலையில் அனுமதிக்கப்பட்டு சிகிச்சை பெற்று வருகின்றார்.