சினமன் எயாரின் புதிய சேவைகள்!

இலங்கையின் உள்நாட்டு விமான சேவையான சினமன் எயார் (Cinnamon Air), கண்டி மற்றும் சிகிரியாவை தென் கரையோர இடங்களான கொக்கலா மற்றும் ஹம்பாந்தோட்டையுடன் இணைக்கும் இரு புதிய தினசரி திட்டமிடப்பட்ட விமான சேவையை அறிமுகப்படுத்துவதாக அண்மையில் அறிவித்தது.

இந்த விமான சேவையானது 2024 நவம்பர் 01 இல் தொடங்கப்பட்டு வரை ஏப்ரல் 30, 2025 செயல்படும்.

குளிர்கால விடுமுறைக் காலத்தில் வெளிநாட்டுப் பயணிகளின் வருகையைக் கருத்தில் கொண்டு இந்த சேவை அறிமுகப்படுத்தப்படவுள்ளன.

அதேநேரம், கலாசார முக்கோணம் அல்லது மத்திய மலை நாட்டிற்கு விஜயம் செய்த பின்னர் இலங்கையின் தென் கரையோரத்தை ரசிக்க விரும்புவோருக்கு இணையற்ற அனுபவத்தை உறுதி செய்யும் அதே வேளையில் பயண நேரத்தைக் குறைக்கும் வகையில் இந்த விமான சேவைகள் ஆரம்பிக்கப்படவுள்ளன.