73 வருட நிறைவையொட்டி கட்டிடம் கையளிப்பு

இலங்கை விமானப்படையின் 73 ஆவது வருட நிறைவையொட்டி  திருகோணமலை மொரவெவ சிங்கள வித்தியாலயத்தில் நிர்மாணிக்கப்பட்ட விஞ்ஞான ஆய்வு கூடம் மற்றும் ஒன்று கூடல் மண்டபம்   மாணவர்களிடம் திங்கட்கிழமை  (11)  கையளிக்கப்பட்டுள்ளது .

இலங்கை விமானப்படை வீரர்களினால் நிர்மாணிக்கப்பட்ட இக் கட்டிடம்  
விமானப்படை தளபதி எயார் மார்ஷல் உதேனி ராஜபக்சவினால் உத்தியோகபூர்வமாக திறந்து வைக்கப்பட்டுள்ளது .

"பிருணு குசக்,பிருனு ஹிசக்"அமைப்பின் ஊடாக 53 நாட்களில் இக்கட்டிடம் நிர்மாணிக்கப்பட்டதாகவும், வடக்கு மாகாணத்தில் 73 பாடசாலைகள் அபிவிருத்தி செய்யப்படவுள்ளதாகவும் விமானப்படை தளபதி இதன் போது தெரிவித்துள்ளார் .

மேலும்  இந்நிகழ்வில் மொரவெவ விமானப்படை தளத்தின் பொறுப்பதிகாரி ஹேமந்த பால சூரிய , பாடசாலையின் அதிபர் ,ஆசிரியர்கள் ,மாணவர்கள் என பலரும் கலந்து கொண்டுள்ளனர்