ஜேர்மனி ஐரோப்பிய ஒன்றியத்திடம் கோரிக்கை!

2035 கம்பஷன் என்ஜின் தடை விதிமுறையை தளர்த்த ஐரோப்பிய ஒன்றியத்திடம் ஜேர்மனி கோரிக்கை விடுத்துள்ளது. ஜேர்மன் சேன்சலர் ஃப்ரெட்ரிக் மெர்ஸ், 2035 முதல் புதிய கம்பஷன் என்ஜின் கார்கள் விற்பனைக்கு விதிக்கப்பட்டுள்ள ஐரோப்பிய ஒன்றியத் தடை விதிமுறையை தளர்த்துமாறு ஐரோப்பிய ஆணையத்திடம் (European Commission) கோரிக்கை விடுத்துள்ளார். “முழுமையான தடை நடைமுறைப்படுத்த இயலாதது. சீனாவின் கடுமையான போட்டி, மின்சார வாகனங்களின் (EV) எதிர்பார்த்த அளவிலான வளர்ச்சி இல்லாமை ஆகியவை காரணமாக, ஜேர்மன் கார் உற்பத்தியாளர்களுக்கு அதிக சவால்கள் உள்ளது” என மெர்ஸ் கூறியுள்ளார்.

ஜேர்மன் அரசின் நிலைப்பாடு

Plug-in hybrids, battery hybrids, range-extended வாகனங்கள், biofuel போன்ற மாற்று தொழில்நுட்பங்களுக்கு அனுமதி வழங்க வேண்டும்.

கார்பன் டை ஆக்சைடு (CO2) குறைப்பில் தொழில்நுட்ப-நடுநிலை (technology-neutral) அணுகுமுறை அவசியம்.

உற்பத்தி துறையில் பசுமை எஃகு (green steel) போன்ற புதுமைகளை ஊக்குவிக்க வேண்டும்.

Volkswagen, Mercedes, BMW போன்ற நிறுவனங்கள், EV விற்பனை எதிர்பார்த்த அளவில் இல்லாததால், இடைக்கால தொழில்நுட்பங்களுக்கு அனுமதி வழங்கப்பட வேண்டும் என வலியுறுத்துகின்றன.

ஜேர்மன் கார் லாபி VDA, “இது தொழில்துறைக்கும், ஆயிரக்கணக்கான ஊழியர்களுக்கும் நல்ல செய்தி” எனக் கூறியுள்ளது.

Transport & Environment குழு, “ஜேர்மனி பழைய தொழில்நுட்பத்தைப் பிடித்துக் கொண்டிருக்கிறது. இது எதிர்கால வேலை வாய்ப்புகளையும் மதிப்பையும் ஆபத்துக்குள்ளாக்கும்” எனக் கண்டித்துள்ளது.

ஐரோப்பிய ஆணையம், டிசம்பர் 10 அன்று புதுப்பிக்கப்பட்ட கார்பன் உமிழ்வு இலக்குகளை வெளியிட உள்ளது. குறிப்பாக, நிறுவன வாகனப் படைகளில் 2030-க்குள் 75 சதவீதம் மின்சார வாகனங்களை “Made in EU” நிபந்தனையுடன் சேர்க்கும் திட்டம் பரிசீலனையில் உள்ளது.