பெண் கொலை சம்பவம் தொடர்பில் 13 வயது சிறுமி கைது!

இங்கிலாந்தின் ஸ்விண்டன் நகரில் ஒரு பெண் கொலை செய்யப்பட்ட சம்பவம் தொடர்பில் சந்தேகத்தின் பேரில்   13 வயது சிறுமி ஒருவர் பொலிஸாரால்  கைது செய்யப்பட்டுள்ளார்.

கடந்த வெள்ளிக்கிழமை மாலை ( Baydon Close, Moredon, in the Wiltshire town) பேடன் க்ளோஸ் பகுதியில் உள்ள ஒரு வீட்டில் ஏற்பட்ட ஒரு சம்பவம் குறித்து பொலிஸாருக்கு  தகவல் வழங்கப்பட்டதை அடுத்து அதிகாரிகள் உடனடியாக சம்பவ இடத்திற்கு விரைந்துள்ளனர்.

அங்கு சுமார் 50 வயது மதிக்கத்தக்க பெண் ஒருவர் உயிரிழந்த நிலையில் அடையாளம் காணப்பட்டுள்ளார்.

இதேவேளை, உயிரிழந்த பெண்ணின் உடலில் எவ்வித காயங்களும் இல்லை எனவும் பொலிஸார் தெரிவித்துள்ளனர்.

இந்தச் சம்பவம் குறித்து 13 வயது சிறுமி ஒருவர் கைது செய்யப்பட்டு விசாரணை நடத்தப்பட்டு வருவதாகவும், வேறு யாரையும் தேடவில்லை என்றும் வில்ட்ஷயர் காவல்துறை தெரிவித்துள்ளது.

மேலும், இந்த வழக்குக்கு பாதிப்பு  விளைவிக்கக்கூடும் என்பதால்,  சம்பவம் குறித்து பொதுமக்கள் ஊகங்களை பரப்ப வேண்டாம்  என்று காவல்துறை வலியுறுத்தியுள்ளது.

இதேவேளை, விசாரணை முடியும் வரை  சந்தேக நபர் காவலில் வைக்கப்பட்டுள்ளதுடன் அப்பகுதியில் பொலிஸ் பாதுகாப்பு   அதிகரிக்கப்பட்டுள்ளது.