யாழ்ப்பாணத்தில் பெற்றோலுக்குத் தட்டுப்பாடு!

யாழ்ப்பாணத்தில் உள்ள சில எரிபொருள் நிரப்பு நிலையங்களில், பெற்றோலுக்குத் தட்டுப்பாடு ஏற்பட்டுள்ளதாகத் தெரியவருகின்றது. யாழ்ப்பாணத்தில் உள்ள ஓரிரு எரிபொருள் நிரப்பு நிலையங்கள் நீங்கலாக ஏனைய எரிபொருள் நிரப்பு நிலையங்களில் எரிபொருள் தீர்ந்துவிட்டது என்ற அறிவிப்புக் காட்சிப்படுத்தப்பட்டுள்ளது.

எரிபொருளின் இருப்பு பேணப்படும் எரிபொருள் நிரப்பு நிலையங்களில் சிறிய வரிசைகள் உருவாகுவதைக் காணக்கூடியதாக உள்ளது.

மாதத்தின் இறுதியில், எரிபொருள் சூத்திரத்தின் அடிப்படையில் சில விலைமாற்றங்கள் ஏற்படலாம் என்பதால், விற்பனை நிலையங்கள் பெற்றோலின் இருப்பை சரிவரப் பேணாமையால்தான் இந்த எரிபொருள் பற்றாக்குறை செயற்கையாக ஏற்படுத்தப்பட்டுள்ளதாகச் சுட்டிக்காட்டப்பட்டுள்ளது.