ஜப்பானில் இலங்கை ஆண்களுக்கு அதிஷ்டம்

இலங்கை வெளிநாட்டு வேலைவாய்ப்பு பணியகம் (SLBFE) ஜப்பானில் கட்டுமானத் துறையில் ஆண்களுக்கு வேலை வாய்ப்புகளை அறிவித்துள்ளது.

மேற்படி வேலை வாய்ப்புக்கான விண்ணப்பப் படிவங்களை வெளிநாட்டு வேலைவாய்ப்பு பணியகத்தின் உத்தியோகபூர்வ இணையத்தளமான www.slbfe.lk ஊடாகப் பெற்றுக்கொள்ள முடியும் என தெரிவிக்கப்பட்டுள்ளது.

விண்ணப்பங்களை ஒப்படைக்கும் முறை அறிவிப்பு

பூர்த்தி செய்யப்பட்ட விண்ணப்பப் படிவங்களை உரிய ஆவணங்கள் மற்றும் சான்றிதழ்களுடன் நாளை (02) பிற்பகல் 04.30 அல்லது அதற்கு முன்னதாக ஒப்படைக்க வேண்டும் என வெளிநாட்டு வேலைவாய்ப்பு பணியகம் தெரிவித்துள்ளது.

பூர்த்தி செய்யப்பட்ட விண்ணப்பங்கள் வெளிநாட்டு வேலைவாய்ப்பு பணியகத்தின் உத்தியோகபூர்வ மின்னஞ்சல் முகவரியான titp@slbfe.lk ஊடாக ஒப்படைக்கப்பட வேண்டும் என்றும் அது மேலும் தெரிவித்துள்ளது.

இது தொடர்பான மேலதிக தகவல்களை அதன் உத்தியோகபூர்வ அவசர தொலைபேசி இலக்கமான 0112 789367 ஊடாக மேற்கொள்ள முடியும் என வெளிநாட்டு வேலைவாய்ப்பு பணியகம் மேலும் தெரிவித்துள்ளது.