லெபனான், சிரியாவுக்குச் செல்ல வேண்டாம்!

லெபனான் மற்றும் சிரியாவில் நிலவும் பதற்றமான சூழ்நிலை காரணமாக மறு அறிவித்தல் வரை லெபனான் மற்றும் சிரியாவுக்குச் செல்ல வேண்டாம் என வெளிவிவகார அமைச்சு பொதுமக்களை அறிவுறுத்தியுள்ளது.

தற்போது லெபனான் மற்றும் சிரியாவில் வசிக்கும் அனைத்து இலங்கையர்களையும் அவதானமாக இருக்குமாறும் தேவையான முன்னெச்சரிக்கை நடவடிக்கைகளை எடுக்குமாறும் அமைச்சு கேட்டுக் கொண்டுள்ளது.

மேலும் வெளியில் நடமாடுவதை தவிர்ப்பது மற்றும் பெய்ரூட்டில் உள்ள இலங்கைத் தூதரகம் மற்றும் டமாஸ்கஸில் உள்ள தூதரகத்துடன் வழக்கமான தொடர்பைப் பேணுமாறும் கேட்டுக்கொண்டுள்ளது.