EPDP தலைமைத்துவத்தின் மீது விசாரணை நடத்த வேண்டும்.

1992 முதல் 2009 வரை டக்ளஸ் தேவானந்தா மற்றும் அவரது துணை ராணுவக் குழுவான ஈழ மக்கள் ஜனநாயகக் கட்சி (EPDP) செய்ததாகக் கூறப்படும் கடுமையான மனித உரிமை மீறல்களுக்கு எதிராக, சுயாதீனமான சர்வதேச விசாரணை நடத்தப்பட வேண்டும் எனத் தமிழர்கள் மற்றும் புலம்பெயர் சமூகங்கள் வலியுறுத்துகின்றனர்.

2007 மே 18ஆம் தேதி அப்போதைய அமெரிக்க தூதர் ராபர்ட் பிளேக் அமெரிக்க அரசுத்துறைக்கு அனுப்பிய இரகசியக் கேபிள் ஒன்று சமீபத்தில் வெளிவந்துள்ளது. இதில் EPDP மற்றும் இலங்கை இராணுவத்துடன் இணைந்து மேற்கொண்ட கொடுமைகளின் பட்டியல் வெளியிடப்பட்டுள்ளது:

▪ தமிழ் பெண்கள் மற்றும் சிறுமிகள் மீது கற்பழிப்பு மற்றும் வற்புறுத்தப்பட்ட விபச்சாரம்

▪ அகதி முகாம்களில் இருந்து சிறுமிகள் கடத்தி பாலியல் அடிமைகளாக்கப்பட்டல்

▪ பொதுமக்கள் மற்றும் அரசியல்வாதிகள் மீது படுகொலைகள், கடத்தல்கள்

▪ இந்த குற்றங்கள் அனைத்தும் இலங்கை இராணுவத்தின் ஒத்துழைப்புடன் நடத்தப்பட்டன

▪ EPDP மீது உள்ள குற்றச்சாட்டுகள் தொடர்பாக தண்டனை வழங்கப்படாதது

தூதர் பிளேக் குறிப்பிட்டது போல, இந்த நடவடிக்கைகள் அனைத்தும் பாதுகாப்புச் செயலாளர் கோத்தபாய ராஜபக்ஷ உள்ளிட்ட உயர் அதிகாரிகளின் ஒப்புதலோடு நடந்துள்ளன. கொலைகள் நடைபெறும் போது ராணுவம் "தற்காலிக இடைவேளை" எடுத்து தங்களது கடமையிலிருந்து விலகி, EPDP துப்பாக்கி வீரர்களுக்கு தமிழ் இலக்குகளை கொல்ல அனுமதி வழங்கியது.

உண்மையை வெளிக்கொணர வேண்டிய நேரம் இது ஐ.நா. மனித உரிமைகள் கவுன்சில் (UNHRC) அல்லது சர்வதேச குற்றவியல் நீதிமன்றம் (ICC) மூலம் முழுமையான சுயாதீன விசாரணை குழுவை அமைக்க இலங்கை அரசு உடனடியாக அனுமதிக்க வேண்டும். அந்த குழு:

▪ டக்ளஸ் தேவானந்தா மற்றும் EPDP தலைமைத்துவத்தின் மீது விசாரணை நடத்த வேண்டும்

▪ செம்மணியைத் தாண்டியும் உள்ள புதைகுழிகள் தோண்டி அடையாளம் காண வேண்டும்

▪ வல்வெட்டித்துறை, அல்லைப்பிட்டி, ஊர்காவல்துறை, டெல்ஃப்ட் தீவு போன்ற இடங்களில் உள்ள சந்தேகத்திற்குரிய புதைகுழி தளங்களை பாதுகாத்து அகழ்வாராய்ச்சி செய்ய வேண்டும் இனி மறைக்கப்பட முடியாது

இலங்கை அரசாங்கம் தொடர்ச்சியாக உள்ளூராட்சி விசாரணைகள் என்ற பெயரில் நேர்மையற்ற முயற்சிகளை மேற்கொண்டு வந்துள்ளது. பல ஆண்டுகளாக, காணாமல் போனவர்களின் குடும்பங்களுக்கு நீதியும் நிவாரணமும் வழங்கப்படவில்லை.

உண்மையான நல்லிணக்கம் வேண்டுமெனில், சர்வதேச விசாரணைகளை இலங்கை அரசு அனுமதிக்க வேண்டும். இலங்கை இராணுவம் கட்டுப்படுத்தும் நிலங்கள் தமிழர்களின் உறவுகள் புதைக்கப்பட்டிருக்கக் கூடும் என்ற சந்தேகத்தின் அடிப்படையில் அவற்றை அகழ்வாராய்ச்சி குழுவுக்கு திறக்க வேண்டும்.

நீதி என்பது விருப்பத்திற்குரியது அல்ல தமிழ் குழந்தைகள், பெண்கள், மாணவர்கள் மற்றும் அரசியல் செயற்பாட்டாளர்கள் மீது நடந்த கொடுமைகளுக்கான பொறுப்பு மற்றும் நியாயம் கட்டாயம் தேவை.

தாமதமான நீதியே மறுக்கப்பட்ட நீதியாகும்.

உலகம் இதை பார்த்து அமைதியாக இருக்க முடியாது.