37 இடங்களில் பாரதிய ஜனதா கட்சி கூட்டணி !

மாநிலங்களவையில் வெற்றிடமாகவுள்ள 37 இடங்களுக்கான தேர்தலில், ஆளும் பாரதிய ஜனதா கட்சி தலைமையிலான தேசிய ஜனநாயகக் கூட்டணி தனது பலத்தை அதிகரித்துள்ளது.

முறையான திட்டமிடல் மற்றும் கட்டுக்கோப்பான வியூகங்கள் காரணமாக, சுமார் 22 இடங்களை இக்கூட்டணி கைப்பற்றும் என எதிர்பார்க்கப்படுகிறது.

குறிப்பாக பிகார் மாநிலத்தின் 5 இடங்களிலும் தேசிய ஜனநாயகக் கூட்டணி முழுமையான வெற்றியைப் பதிவு செய்துள்ளது.

எதிர்க்கட்சிகளின் வாக்கெடுப்புப் புறக்கணிப்பு மற்றும் சில உறுப்பினர்களின் அதிருப்திச் செயல்பாடுகள் ஆளும் கூட்டணிக்குச் சாதகமாக அமைந்துள்ளன.

இந்த வெற்றியின் மூலம் மாநிலங்களவையில் பாஜகவின் பலம் 133-க்கும் அதிகமாக உயரும் எனத் தெரிகிறது. இது வரும் காலங்களில் நாடாளுமன்றத்தில் முக்கிய மசோதாக்களை நிறைவேற்ற ஆளும் கூட்டணிக்கு கூடுதல் பலத்தைத் தரும் என அரசியல் ஆய்வாளர்கள் கருதுகின்றனர்.