ஐரோப்பிய ஒன்றிய விசாரணையில் பிரபலமான சீன நிறுவனம்!

டிஜிட்டல் சட்டத்தை மீறியதற்காக ஐரோப்பிய ஒன்றியம் பிரபலமான ஃபேஷன் நிறுவனமான ஷீன் மீது முறையான விசாரணையைத் தொடங்கியுள்ளது. ஐரோப்பிய ஒன்றியத்தின் நிர்வாகப் பிரிவான ஐரோப்பிய ஆணையம், ஷீன் நிறுவனம் சட்டவிரோத தயாரிப்புகளின் விற்பனையைத் தடுக்க என்ன அமைப்புகளைக் கொண்டுள்ளது என்பதை ஆராய்வதாகக் கூறியது.

மட்டுமின்றி, ஷீன் நிறுவனத்தின் இணைய தளத்தின் ஈர்க்கும் வடிவமைப்பு மற்றும் வாங்குபவர்களுக்கு தயாரிப்புகள் மற்றும் உள்ளடக்கத்தை பரிந்துரைக்க அது பயன்படுத்தும் அமைப்பின் வெளிப்படைத்தன்மையையும் ஆராயும்.

கடந்த ஆண்டு, ஷீன் தனது வலைத்தளத்தில் குழந்தை தோற்றத்துடன் கூடிய பாலியல் பொம்மைகளை விற்றதாக பிரெஞ்சு அதிகாரிகளிடம் புகார் அளிக்கப்பட்டது.

இதனையடுத்து, நிறுவனம் உடனடியாக தயாரிப்புகளை அகற்றியதாகவும், விற்பனையாளர்களைத் தடை செய்ததாகவும், அதன் உலகளாவிய தளம் முழுவதும் தோற்றத்தைப் பொருட்படுத்தாமல் பாலியல் பொம்மைகளின் விற்பனையை நீக்கியதாகவும் கூறியது.

குழந்தைத்தனமான பாலியல் பொம்மைகளை வாங்குபவர்கள் மற்றும் விற்பவர்கள் இருவரையும் விசாரித்து உள்ளூர் மற்றும் சர்வதேச அதிகாரிகளுடன் இணைந்து பணியாற்றியதாகவும் அது கூறியது.

இந்த நிலையில், சட்டவிரோத பொருட்களின் விற்பனையை கட்டுப்படுத்த ஷீன் பயன்படுத்தும் அமைப்புகளை விசாரிப்பதாக ஆணையம் தெரிவித்துள்ளது. அதில் ஆயுதங்களும் அடங்கும் என்று கூறியது, ஆனால் குறிப்பிட்ட பொருட்களைக் குறிப்பிட மறுத்துவிட்டது.