இராணுவ தளத்தை மீண்டும் கட்டியெழுப்பிவரும் ஈரான்.

ஈரான் தனது இராணுவ தொழில்துறை தளத்தை எதிர்பார்த்ததை விட வேகமாக மீண்டும் கட்டமைத்து வருவதாக அமெரிக்க உளவுத்துறை தெரிவித்துள்ளது. ஏப்ரல் மாதம் தொடங்கிய ஆறு வார போர் இடைநிறுத்தத்தின் போது, ஈரான் ட்ரோன் உற்பத்தியை மீண்டும் தொடங்கியிருக்கிறது. அமெரிக்கா மற்றும் இஸ்ரேலின் தாக்குதல்களால் பல்வேறு ஏவுகணை தளங்கள், உற்பத்தி நிலையங்கள் சேதமடைந்திருந்தாலும், ஈரான் அவற்றை விரைவாக மீண்டும் உருவாக்கி வருகிறது.

சில மதிப்பீடுகளின்படி, ஆறு மாதங்களுக்குள் முழுமையான ட்ரோன் தாக்குதல் திறனை மீண்டும் பெறலாம் என கூறப்படுகிறது.

இது, அமெரிக்கா மற்றும் இஸ்ரேலின் தாக்குதல்கள் ஈரானின் இராணுவத்தை நீண்டகாலத்தில் பலவீனப்படுத்தியதாக கூறப்படும் வாதங்களை சந்தேகத்திற்கு உட்படுத்துகிறது.

மேலும், ரஷ்யா மற்றும் சீனாவின் ஆதரவு ஈரானின் மீள்கட்டமைப்பை வேகப்படுத்தியதாகவும், சீனா ஏவுகணை உற்பத்திக்கான சில கூறுகளை வழங்கியதாகவும் தகவல்கள் தெரிவிக்கின்றன. ஆனால், சீன அரசு இதை மறுத்துள்ளது.

அமெரிக்க உளவுத்துறை அறிக்கைகள், ஈரானின் பாலிஸ்டிக் ஏவுகணைகள், ட்ரோன் தாக்குதல் திறன், கடற்கரை பாதுகாப்பு ஏவுகணைகள் இன்னும் பெரும்பாலும் செயல்பாட்டில் உள்ளன எனக் கூறுகின்றன. இது, ஹார்முஸ் நீரிணையில் கப்பல் போக்குவரத்துக்கு அச்சுறுத்தலாக இருக்கிறது.

அமெரிக்கா மற்றும் இஸ்ரேலை தாக்குதல்கள் ஈரானின் இராணுவ திறனை குறைத்தாலும், அதை முற்றிலும் அழிக்கவில்லை. ஈரான், விரைவாக மீண்டும் கட்டமைப்பதன் மூலம், நீண்டகால பாதிப்புகளை குறைத்துக் கொண்டிருக்கிறது.