ஜேர்மனியில் ராட்சத ரங்க ராட்டினத்தில் தீ:

ஜேர்மனியில் ராட்சத ரங்க ராட்டினத்தில் தீ விபத்து ஏற்பட்டது. இச்சம்பவத்தில் 30 பேர் காயம் பாதிக்கப்பட்டனர். இந்த விபத்து தொடர்பான காணொளிகள் சமூக வலைதளங்களில் வைரலாகி வருகிறது. ஜேர்மனியின் Leipzig நகரில் உள்ள Störmthaler ஏரிக்கரையில் நடைபெற்ற Highfield Festival கோடை விழாவின் போது இந்த விபத்து ஏற்பட்டது.

Ferris wheel என அழைக்கப்படும் இந்த ரங்க ராட்டினம் சுழலும் போது முதலில் ஒரு பேட்டி தீப்பிடித்தது. அது காற்றில் சுழன்றதால், தீ மற்ற தொட்டிகளுக்கும் பரவியது. சுழலும் வட்டத்தில் அடர்த்தியான புகை இருந்தது.

இந்த எதிர்பாராத சம்பவம் ஆயிரக்கணக்கான பார்வையாளர்களை பீதியில் ஆழ்த்தியது.

உடனடியாக எச்சரிக்கை விடுத்த அமைப்பாளர்கள், ராட்டினம் சுழல விடாமல் தடுத்தனர். மேலும், தீயணைப்பு வீரர்கள் தீ மேலும் பரவாமல் தடுத்தனர்.

அடர்த்தியான புகை காரணமாக நான்கு பொலிஸ் அதிகாரிகள் உட்பட மொத்தம் 30 பேர் பாதிக்கப்பட்டனர். அவர்களில் இருவர் படுகாயம் அடைந்தனர் என்று அதிகாரிகள் தெரிவித்தனர்.

தொழில்நுட்ப கோளாறு காரணமாக சக்கரத்தில் தீ விபத்து ஏற்பட்டதாக அமைப்பாளர்கள் தெரிவித்தனர்.