வட மாகாண முன்னாள் சுகாதார அமைச்சரின் வாகனம் மின் கம்பத்துடன் மோதி விபத்து!

அமைச்சர் ஜீ.குணசீலன் பயணித்த வாகனம் நேற்றைய தினம் (7) மின் கம்பத்துடன் மோதி விபத்திற்குள்ளாகியது.

மன்னார் நானாட்டான் பிரதேசத்தில் குணசீலன் தலைமையில் இலவச மருத்துவ முகாம் இடம்பெற்றுள்ள நிலையில், குறித்த மருத்துவ முகாம் நிறைவடைந்த பின்னர் நானாட்டானில் இருந்து பயணிக்கும் போதே இந்த விபத்து இடம்பெற்றுள்ளது

விபத்தின் போது, வாகனத்தின் முன்பகுதி முற்றாக சேதமடைந்துள்ள நிலையில், குறித்த வாகனத்தில் பயணித்த எவருக்கும் எவ்வித காயங்களும் ஏற்படவில்லை என தகவல்கள் தெரிவிக்கின்றன.

மேலதிக விசாரணை

குறித்த விபத்து தொடர்பிலான மேலதிக விசாரணைகளை முருங்கன் காவல்துறையினர் முன்னெடுத்து வருகின்றனர்.