ரஷ்யாவுக்கு எதிராக கடுமையான தடைகளை வெளியிட்ட அமெரிக்கா!

ரஷ்யாவின் பாதுகாப்புத் துறைக்கு எதிராக அமெரிக்கா கடுமையான தடைகளை வெளியிட்டுள்ளது. உக்ரைனுக்கு தொடர்ந்து ஆதரவு அளித்து வரும் அமெரிக்கா தற்போது ரஷ்யாவுக்கு எதிரான நடவடிக்கையை எடுத்துள்ளது. அதாவது, உக்ரைனின் சுதந்திர தினத்திற்கு ஒருநாள் முன்பாக, அந்நாட்டில் போர் முயற்சியில் ஈடுபட்டுள்ள கிட்டத்தட்ட 400 தனிநபர்கள் மற்றும் நிறுவனங்களுக்கு எதிராக கடுமையான பொருளாதாரத் தடைகளை அமெரிக்கா வெளியிட்டுள்ளது.

இதுதொடர்பாக துணை கருவூல செயலாளர் Wally Adeyemo அறிக்கையில் கூறும்போது, "ரஷ்யா தனது பொருளாதாரத்தை கிரெம்ளின் இராணுவ தொழில்துறை வளாகத்திற்கு சேவை செய்வதற்கான ஒரு கருவியாக மாற்றியுள்ளது.

ரஷ்யாவின் இராணுவ-தொழில்துறை அடிப்படை விநியோகச் சங்கிலிகள் மற்றும் கட்டண வழிகளை சீர்குலைக்க, ஜனாதிபதி பைடன் மற்றும் அவரது G7 சகாக்கள் செய்த உறுதிமொழிகளை இன்று கருவூலத்தில் நடவடிக்கைகள் தொடர்ந்து செயல்படுத்துகின்றன" என்றார்.

மேலும், அமெரிக்க வர்த்தகத்துறை தமது அறிக்கையில் கூறுகையில், "கிரெம்ளின் மீதான சட்டவிரோதப் போரின் காரணமாக, ரஷ்யா மற்றும் பெலாரஸ் ஆகிய இரு நாடுகளுக்கும் அமெரிக்காவில் தயாரிக்கப்பட்ட அல்லது பெயரிடப்பட்ட பொருட்களின் விநியோகத்தை மேலும் கட்டுப்படுத்த ஆக்கிரமிப்பு நடவடிக்கை எடுக்கப்படும்.

இன்றைய நடவடிக்கைகள், உலகளாவிய ஏற்றுமதி கட்டுப்பாடுகளைத் தவிர்ப்பதற்காக வடிவமைக்கப்பட்ட சட்டவிரோத கொள்முதல் நெட்வொர்க்குகளை குறிவைப்பதன் மூலம், அதன் இராணுவத்தை ஆயுதபாணியாக்கும் ரஷ்யாவின் திறனை மேலும் கட்டுப்படுத்தும்" என அறிவித்துள்ளது.

இந்த நடவடிக்கைகள் ரஷ்யாவுக்கு எதிரான பொருளாதாரத் தடைகளை உருவாக்கும் அமெரிக்க கருவூலத்தின் 3வது ஆண்டாக உள்ளது