2027 ஆம் ஆண்டுக்கான ஒதுக்கீட்டு சட்டமூலம் வர்த்தமானியில்!
22.09.2026
15:02
1 நிமிட வாசிப்பு
2027 ஆம் ஆண்டிற்கான ஒதுக்கீட்டு சட்டமூலம் வர்த்தமானியில் வெளியிடப்பட்டுள்ளது.
இந்த சட்டமூலம் அண்மையில் அமைச்சரவை அங்கீகாரம் வழங்கப்பட்ட நிலையில், இது நேற்று (21) வர்த்தமானியில் வெளியிடப்பட்டது.
இதன்படி, 2027 நிதியாண்டிற்கான அரசாங்கத்தின் மதிப்பிடப்பட்ட செலவினம் 4,992,773,388,000 ரூபாயாக நிர்ணயிக்கப்பட்டுள்ளது.
2027-ஆம் ஆண்டிற்கான ஒதுக்கீட்டு சட்டமூலத்தின் முதல் வாசிப்பு ஒக்டோபர் 7-ஆம் திகதியும், வரவு-செலவுத் திட்ட உரை என்று அழைக்கப்படும் இரண்டாம் வாசிப்பு 2026 நவம்பர் 12-ஆம் திகதியும் நடைபெறவுள்ளது.
வரவு-செலவுத் திட்டத்தின் இரண்டாம் வாசிப்பு மீதான விவாதம் 2026 நவம்பர் 13 முதல் 20 வரை நடைபெறவுள்ளது.
அதேவேளையில், குழு நிலை விவாதம் 2026 நவம்பர் 21 முதல் டிசம்பர் 14 வரை நடைபெறவுள்ளது.