ETR.FM

நேட்டோவில் சேர விரும்பினால் பயங்கரவாதிகளை ஒப்படையுங்கள்: சுவீடனுக்கு துருக்கி அறிவுறுத்தல்!

30.01.2023 22:33 2 நிமிட வாசிப்பு
நேட்டோவில் சேர விரும்பினால் பயங்கரவாதிகளை ஒப்படையுங்கள்: சுவீடனுக்கு துருக்கி அறிவுறுத்தல்!

ஃபின்லாந்து நேட்டோவில் இணைவதற்கு துருக்கி உடன்படலாம் ஆனால் சுவீடன் இணைவதற்கு அல்ல என துருக்கிய ஜனாதிபதி ரெசெப் தையிப் எர்டோகன் தெரிவித்துள்ளார்.

குர்திஷ் போராளிக் குழுக்கள் மற்றும் அவரது அரசாங்கத்தின் பிற விமர்சகர்களுடன் தொடர்புடையதாகக் கூறப்படும் நபர்களை ஒப்படைக்க சுவீடன் மறுப்பு தெரிவித்ததையடுத்து இந்த கருத்தை அவர் வெளியிட்டுள்ளார்.

‘நீங்கள் முற்றிலும் நேட்டோவில் சேர விரும்பினால், இந்த பயங்கரவாதிகளை எங்களிடம் திருப்பித் தருவீர்கள்’ என்று எர்டோகன் கூறினார்.

‘நாங்கள் சுவீடனிடம் 120 நபர்களின் பட்டியலைக் கொடுத்தோம், மேலும் அந்த பயங்கரவாதிகளை அவர்களின் நாட்டில் ஒப்படைக்கச் சொன்னோம். நீங்கள் அவர்களை நாடு கடத்தவில்லை என்றால், அதற்காக மன்னிக்கவும்’ என கூறினார்.

இரண்டு நோர்டிக் நாடுகளையும் உறுப்பினர்களாக ஏற்றுக்கொள்ளும் பேச்சுவார்த்தையை துருக்கி இடைநிறுத்திய சில நாட்களுக்குப் பிறகு அவரது கருத்துக்கள் வந்துள்ளன.

ஸ்டாக்ஹோமில் தொடர்ச்சியான சர்ச்சைக்குரிய போராட்டங்களால் இந்த நடவடிக்கை தூண்டப்பட்டது, இதில் குரானின் நகல் எரிக்கப்பட்டது.

உக்ரைன் மீதான ரஷ்யாவின் படையெடுப்பிற்கு விடையிறுக்கும் வகையில், சுவீடன் மற்றும் ஃபின்லாந்து ஆகியவை கடந்த ஆண்டு நேட்டோவில் சேர விண்ணப்பித்தன, பல தசாப்தங்களாக இராணுவ அணிசேராமை முடிவுக்கு வந்தது.

அவர்களின் விண்ணப்பம் தற்போதைய அனைத்து நேட்டோ உறுப்பினர்களாலும் ஒருமனதாக அங்கீகரிக்கப்பட வேண்டும். ஆனால், துருக்கியும் ஹங்கேரியும் தங்கள் முடிவைத் அங்கீகரிக்கத் தவறிவிட்டன.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்