பாலஸ்தீனியர்கள் பலி 30 ஆயிரத்தை கடந்தது

ரபா: இஸ்ரேல் – ஹமாஸ் போரில் பலியான பாலஸ்தீனியர்களின் எண்ணிக்கையானது 30ஆயிரத்தை கடந்துள்ளதாக காசா சுகாதார துறை அமைச்சகம் தெரிவித்துள்ளது. கடந்த அக்டோபர் 7ம் தேதி முதல் இஸ்ரேல் -ஹமாஸ் இடையே போர் நடந்து வருகின்றது. இதில் இஸ்ரேல் தாக்குதலில் ஆயிரக்கணக்கான பாலஸ்தீனியர்கள் பலியாகி வருகின்றனர்.

நேற்று 86 சடலங்கள் உள்ளூர் மருத்துவமனைகளுக்கு எடுத்து வரப்பட்டது. மேலும் 113 பேர் காயமடைந்து சிகிச்சைக்கு வந்திருந்தனர். இஸ்ரேல் -ஹமாஸ் போரில் பலியானவர்களின் எண்ணிக்கையானது 30,717 ஆக அதிகரித்துள்ளது. பலியானவர்களில் மூன்றில் இரண்டு பங்கு பேர் பெண்கள் மற்றும் சிறுவர்கள். மேலும் சுமார் 72000 பேர் காயமடைந்துள்ளனர்.