பிற வைரஸ்களில் இருந்தும் பாதுகாப்பு அளிக்கும் கோவிட்-19 தடுப்பூசிகள்

பெருந்தொற்றை ஏற்படுத்திய கோவிட் வைரசுக்கு எதிரான கோவிட்-19 தடுப்பூசிகள், மற்ற கொரோனா வைரசுகளுக்கு எதிராக செயல்பட்டு பாதுகாப்பு அளிப்பதாக ஆய்வில் தெரியவந்து உள்ளது.

கோவிட்-19 வைரசுக்கு எதிரான தடுப்பூசிகள் குறித்து அமெரிக்காவின் வடமேற்கு பல்கலைக்கழக பீன்பெர்க் மருத்துவ கல்லூரி ஆராய்ச்சியாளர்கள் ஆய்வு நடத்தினர். அதன் முடிவுகளை, 'ஜர்னல் ஆப் கிளினிக்கல் இன்வெஸ்டிகேசன்' என்ற பத்திரிகையில் வெளியிட்டனர். அதில் தெரிவித்து உள்ளதாவது: கோவிட்19 வைரசுக்கு எதிரான கோவிட்-19 தடுப்பூசிகள், பிற கொரோனா வைரஸ்களுக்கு எதிராகவும் பாதுகாப்பு அளிக்கும் என, ஆய்வில் தெரிய வந்துள்ளது.

கோவிட்-19 அல்லாத கொரோனா வைரஸ்கள் என்றால் அது, சார்பெகோ வைரஸ் அடங்கிய சார்ஸ் கோவ்-1, சார்ஸ், சார்ஸ் கோவ்-2 ஆகிய மூன்று வைரஸ்களை குறிக்கிறது. கோவிட்-19 தடுப்பூசி தற்போது, கோவிட்-19 தொற்றை உருவாக்கும் சார்ஸ்கோவ்-2 வைரசுடன் பிற வைரஸ்களையும் தடுக்கிறது. மேலும் சாதாரண ஜலதோஷத்தை ஏற்படுத்தும் எச்கோவ்-ஆக்43 மற்றும் எச்கேயு-1 வைரஸ்களில் இருந்தும் கோவிட்-19 தடுப்பூசி பாதுகாப்பு அளிக்கிறது.இந்த வைரஸ்களுக்கு எதிராக கோவிட்19 தடுப்பூசி எவ்வளவு காலம் பாதுகாப்பு அளிக்கும் என்பதை தற்போது ஆராய்ந்து வருகிறோம். இவ்வாறு அதில் தெரிவிக்கப்பட்டு உள்ளது.