நேபாளத்தில் ஹெலிகொப்டர் விபத்து; 6 பேர் உயிரிழப்பு

எவரெஸ்ட் சிகரத்தைப்  பார்வையிடுவதற்காக  இன்று காலை வெளிநாட்டுச்  சுற்றுலாப் பயணிகளை ஏற்றிச் சென்ற ஹெலிகொப்டரொன்று நேபாளத்தின் சிஹந்தண்டா என்ற இடத்தில் விபத்துக்குள்ளானது.

5  சுற்றுலாப்  பயணிகள் உட்பட 6 பேருடன் பயணித்த குறித்த ஹெலிகொப்டரானது புறப்பட்ட   சில நிமிடங்களிலேயே கட்டுப்பாட்டு அறையுடன் இருந்த தொடர்பை இழந்துள்ளது.

இதனையடுத்து ஹெலிகொப்டர் காணாமல் போனதாக ஊடகங்கள் செய்திகள் வெளியிட்ட நிலையில், பகன்ஜே கிராமத்தின் லம்ஜுராவில் உள்ள சிஹந்தண்டா என்ற இடத்தில் ஹெலிகொப்டரின் சிதைந்த பாகங்களும் 6 பேரின் உடல்களும் கண்டுபிடிக்கப்பட்டுள்ளதாகத் தெரிவிக்கப்பட்டுள்ளது.

ஹெலிகொப்டர் மலை மேல் உள்ள மரத்தில் மோதியதே இவ்விபத்துக்குக்  காரணம் என பொலிஸாரின் முதற்கட்ட விசாரணையில் இருந்து தெரியவந்துள்ளது.