ETR.FM

தரமற்ற நிலக்கரி இறக்குமதி.

20.10.2026 08:59 1 நிமிட வாசிப்பு
தரமற்ற நிலக்கரி இறக்குமதி.

தரமற்ற நிலக்கரி இறக்குமதி மற்றும் கப்பல் வருகையில் ஏற்பட்ட தாமதங்கள் காரணமாக இலங்கைக்கு சுமார் 18.3 பில்லியன் ரூபாய் இழப்பும் மேலதிக செலவுகளும் ஏற்பட்டுள்ளதாக பாராளுமன்ற உறுப்பினர் எஸ். எம். மரிக்கார் தெரிவித்துள்ளார்.

இன்று (20) பாராளுமன்றத்தில் உரையாற்றிய அவர், மின்சக்தி அமைச்சின் மேலதிக செயலாளர் தலைமையிலான நிபுணர் குழுவின் விசாரணை அறிக்கையின் அடிப்படையில் இந்தத் தகவலை வெளியிட்டார்.

தரமற்ற நிலக்கரியைப் பயன்படுத்தியதால் 7.099 பில்லியன் ரூபாயும், தேவையான 300 மெகாவாட் மின் உற்பத்தியை எட்ட முடியாததால் மேலதிக மின்சாரத்தைக் கொள்வனவு செய்ததன் மூலம் 8.572 பில்லியன் ரூபாயும் இழப்பு ஏற்பட்டுள்ளதாக அவர் குறிப்பிட்டார்.

மேலும், கப்பல் வருகையில் ஏற்பட்ட தாமதங்களால் அதிகரித்த பராமரிப்புச் செலவுகள், சாம்பல் அகற்றும் செலவுகள் மற்றும் அவசரகால நிலக்கரி கொள்முதல் செலவுகளும் இந்த மதிப்பீட்டில் உள்ளடக்கப்பட்டுள்ளதாகத் தெரிவிக்கப்பட்டது.

எனினும், உலகளாவிய எரிசக்தி விலை உயர்வு மற்றும் அரசாங்க மானியங்கள் தொடர்பான செலவுகள் இந்த 18.3 பில்லியன் ரூபாய் மதிப்பீட்டில் சேர்க்கப்படவில்லை என்றும் மரிக்கார் மேலும் தெரிவித்தார்.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்