டிரம்ப் மீது மீண்டும் வைக்கப்பட்ட குறி!

அமெரிக்க ஜனாதிபதி வேட்பாளர் டொனால்ட் ட்ரம்ப் மீது தொடர் தாக்குதல் குறி வைக்கப்படுவதால் அவரது ஆதரவாளர்கள் பெரும் அதிர்ச்சியடைந்துள்ளனர். அமெரிக்க ஜனாதிபதிக்கான போட்டியில் உள்ள டொனால்ட் ட்ரம்ப் மீது இரு தினங்களுக்கு முன்பு இரண்டாவது முறையாக நடத்தப்பட்ட கொலை முயற்சி துப்பாக்கி சூடு தாக்குதல் நாட்டை மீண்டும் அதிர்ச்சிக்குள்ளாக்கியது.

வெஸ்ட் பாம் கடற்கரையில் டிரம்ப் சர்வதேச கோல்ப் மைதானத்தில் டொனால்ட் டிரம்ப் விளையாடி கொண்டிருந்த போது இந்த துப்பாக்கி சூடு தாக்குதல் நடத்தப்பட்டது.

இதையடுத்து தாக்குதல் நடத்தியவர் 58 வயதான Ryan Wesley Routh என அடையாளம் காணப்பட்ட நபர் FBI அதிகாரிகளால் கைது செய்யப்பட்டார்.

இந்நிலையில் டொனால்ட் டிரம்ப் தேர்தல் பரப்புரை செய்ய உள்ள இடத்திற்கு அருகே கார் ஒன்று வெடிமருந்துகளுடன் கண்டுபிடிக்கப்பட்டுள்ளது.

ஏற்கனவே ட்ரம்ப் மீது இரண்டு முறை துப்பாக்கி சூடு கொலை முயற்சி தாக்குதல் நடத்தப்பட்ட நிலையில், தேர்தல் பரப்புரை மேற்கொள்ள இருந்த இடத்திற்கு அருகில் வெடிமருந்துகள் கண்டுபிடிக்கப்பட்டு இருப்பதால் அவரது ஆதரவாளர்கள் பெரும் அதிர்ச்சியடைந்துள்ளனர்.