பிரித்தானியாவில் சடலமாக மீட்கப்பட்ட தாய், மகன்!

பிரித்தானியாவில் தாயுடன் சேர்த்து 9 வயது சிறுவனும் உயிரிழந்து இருப்பது சோகத்தை ஏற்படுத்தியுள்ளது. பிரித்தானியாவின் கார்ன்வாலில் தாயுடன் உயிரிழந்த ஒன்பது வயது சிறுவனின் குடும்பம், அவரை "சேட்டைக்காரன்" என்று விவரித்துள்ளது. டெவன் மற்றும் கார்ன்வால் பொலிஸார் செப்டம்பர் 7 அன்று 31 வயதான டாஸ்மின் பேட்டர்சன்(Tasmin Paterson) மற்றும் அவரது மகன் ஹட்சன் பேட்டர்சன்(Hudson Paterson) ஆகியோரின் உயிரிழப்பை உறுதிப்படுத்தினர்.

போட்மினின்(Bodmin) ஃப்ளெட்சர்ஸ்பிரிட்ஜ்(Fletchersbridge) பகுதியில் அவசர சேவைகள் இருவரின் உடலையும் கண்டெடுத்தனர். விளக்கமற்ற சூழ்நிலையில் நிகழ்ந்துள்ள இவர்களின் மரணம் தொடர்பாக பொலிஸார் தற்போது தீவிர விசாரணை நடத்தி வருகின்றனர்.

மேலும், புலனாய்வு அதிகாரிகள் இந்த சம்பவத்தில் யாரையும் தேடவில்லை என்று கூறியுள்ளனர் மற்றும் இதை "ஒரு தனித்துவமான மற்றும் மிகவும் துயரமான சம்பவம்" என்று விவரித்துள்ளனர்.