விஜயின் ஜனநாயகன் கசிந்த ரகசியம்..!

தனது மனைவி இந்திரா ஐ.ஏ.எஸ். காவல்துறையில் தனது முன்னாள் சகாக்களின் உதவியுடன் தனது எதிரிகளை வீழ்த்த தனது அதிகாரங்களைப் பயன்படுத்துகிறார். முதல்வராகி மக்களுக்கு சேவை செய்கிறார். இந்தப்படத்தின் கதைதான் விஜய் நடிக்கும் ஜனநாயகன் திரைப்படம் என்கிறார்கள். 

தவெக தலைவர் விஜய் நடிப்பில் உருவாகும் அரசியல் ஆக்ஷன் த்ரில்லர் படம் ஜனநாயகன். விஜயின் 69வது படமான ஜனநாயகன் அவரது கடைசி படம் என்றும் கூறப்படுகிறது. காரணம் அவரது அரசியல் வருகை. 

போலீஸ் கேரக்டரில் வரும் அதன் பின்னர் அரசியல்வாதி, முதல்வராவதுதான் கதை என்று கூறப்படுகிறது. 2026 ஜனவரி 9-ம் திகதி பொங்கல் பண்டிகைக்கு முன் ரிலீஸ் செய்யத் திட்டமிட்டு இருக்கிறார்கள். 

விஜய் அரசியலுக்குள் நுழைந்திருப்பதாலும், ஜனநாயகன் என பெயரிட்டு இருப்பதாலும் இப்படத்தின் கதை என்ன என்பது பலத்த எதிர்பார்ப்புகளை கிளப்பி இருக்கிறது. 

இந்நிலையில், 1997ம் ஆண்டு மலையாள சூப்பர் ஸ்டார் சுரேஷ் கோபி நடித்த ஜனாதிபதியம் கதை தான் விஜய் நடிக்கும் ஜனநாயகன் என்கிறார்கள். 

ஜனாதிபதியம் ஒரு அரசியல் சட்டையர் பாணியில் உருவாக்கப்பட்டது. மலையாள நடிகர் சுரேஷ் கோபி முக்கிய கதாபாத்திரத்தில் நடிதிருந்தார். 

கதை, ஒரு சாதாரண மனிதனை மையமாக வைத்து, அவன் எப்படி அரசியல், சமூக அநீதிகளுக்கு எதிராக போராடுகிறான் என்பதைப் பற்றியது. 

இந்தப் படம், அரசியல் ஊழல்கள், அதிகார துஷ்பிரயோகம், சமூகத்தில் நிலவும் பாகுபாடுகளை விமர்சிக்கும் வகையில் அமைந்திருந்தது. 

சுரேஷ் கோபி ஒரு நேர்மையான, தைரியமான காவல்துறை அதிகாரியாக வாழ்ந்து, மக்களுக்காக போராடும் ஒரு தலைவனாக உருவெடுப்பார். மக்களின் ஆதரவுடன் ஒரு மாற்றத்தை உருவாக்க முயன்று முதல்வர் பதவியை அடைவதுதான் கதை.