ETR.FM

‘நம்மவரின் ஐயமிட்டு உண்’

01.11.2021 11:51 1 நிமிட வாசிப்பு
‘நம்மவரின் ஐயமிட்டு உண்’

‘நம்மவரின் ஐயமிட்டு உண்’ என்ற பெயரில் 7 லட்சம் பேருக்கு அன்னதானம் வழங்கும் திட்டத்தை கமல்ஹாசன் இன்று தொடங்கி வைத்தார்.

மக்கள் நீதி மய்யம் கட்சித் தலைவர் கமல்ஹாசனுக்கு வருகிற 7-ந்தேதி 67-வது பிறந்தநாள் ஆகும்.

இதனை சிறப்பாக கொண்டாட மக்கள் நீதி மய்யம் கட்சியினர் முடிவு செய்துள்ளனர்.

இதையொட்டி இன்று முதல் நவம்பர் 7-ந்தேதி வரை தமிழகம் முழுவதும் 7 லட்சம் பேருக்கு அன்னதானம் வழங்க திட்டமிடப்பட்டுள்ளது. இந்த திட்டத்துக்கு ‘நம்மவரின் ஐயமிட்டு உண்’ என்று பெயரிடப்பட்டுள்ளது.

இதன் தொடக்க விழா ஆழ்வார்பேட்டையில் உள்ள மக்கள் நீதி மய்யம் கட்சி அலுவலகத்தில் இன்று காலை நடைபெற்றது.

தொடக்க விழாவையொட்டி இன்று 7 ஆயிரம் பேருக்கு உணவு வழங்கும் வகையில் 9 வாகனங்களை கமல்ஹாசன் கொடி அசைத்து தொடங்கி வைத்தார். இந்த வாகனங்களை சென்னையில் உள்ள பல்வேறு இடங்களுக்கு கொண்டு சென்று அந்த பகுதியில் உள்ள மக்களுக்கு உணவு வழங்கினார்கள்.

இதேபோன்று ஒவ்வொரு மாவட்டங்களிலும் உணவு வழங்கும் நிகழ்ச்சி நடைபெற உள்ளது.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்