விஜய்யின் பீஸ்ட் படத்தில் பாடும் தனுஷ்

தமிழ் சினிமாவில் விஜய்யே பார்த்து வியந்து போகிற ஒரு நடிகர் என்றால் அவர் தனுஷ் தான். ஒரு மேடையில் தமிழ் சினிமாவில் என்னை நடிப்பால் கவர்ந்த தற்போதைய நடிகர் தனுஷ் என்று வெளிப்படையாகவே பேசி அவருக்கு மிகப்பெரிய இன்ப அதிர்ச்சியை கொடுத்தார் விஜய்.

அப்படி விஜய்யை கவர்ந்த தனுஷ் தற்போது நெல்சன் இயக்கத்தில் விஜய் நடித்து வரும் பீஸ்ட் படத்தில் விஜய்க்காக ஒரு பாடலை பின்னணி பாடப்போகிறார். முதன்முறையாக விஜய்க்காக இந்த படத்தில் பாடப்போகிறார் தனுஷ். அதோடு தங்க மகனுக்கு பிறகு மீண்டும் அனிருத் இசையில் தனுஷ் பாடுகிறார் என்பது இன்னொரு புதிய தகவல்.

விஜய்யின் பீஸ்ட் படத்தில் சிவகார்த்திகேயனும் ஒரு பாடல் எழுதியிருக்கிறார். ஆக, விஜய் படத்தில் தனுஷ், சிவகார்த்திகேயன் என்ற இரண்டு ஹீரோக்களின் பங்களிப்பும் இடம் பெறப்போகிறது.