ETR.FM

இளம் கமல்ஹாசனின் தரிசனம்!

07.11.2024 08:55 1 நிமிட வாசிப்பு
இளம் கமல்ஹாசனின் தரிசனம்!

கமல்ஹாசன், சிம்பு இணைந்து நடித்துள்ள ‘தக் லைஃப்’ படத்தின் ரிலீஸ் தேதி டீசருடன் வெளியாகி வைரலாகியுள்ளது.

தமிழ் சினிமாவின் பன்முக அடையாளமாக விளங்கும் உலகநாயகன் கமல்ஹாசனின் 69வது பிறந்தநாள் இன்று கொண்டாடப்பட்டு வருகிறது. இந்த நாளில் கமல்ஹாசன் ரசிகர்களை மேலும் மகிழ்ச்சிக்கு உள்ளாக்கும் விதமாக, மணிரத்னம் இயக்கத்தில் கமல்ஹாசன், சிம்பு நடித்துள்ள தக் லைஃப் திரைப்படத்தின் ரிலீஸ் தேதியை டீசருடன் வெளியிட்டுள்ளது படக்குழு.

கமல்ஹாசன் - மணிரத்னம் - ஏ ஆர் ரஹ்மான் காம்பினேஷனில் வெளியாகவுள்ள தக் லைஃப் படத்தின் ரிலீஸ் டீசரே எதிர்பார்ப்பை எகிற வைக்கும் விதமாக உள்ளது. கமல்ஹாசன் மற்றும் சிம்புவின் ஆக்‌ஷன் காட்சிகளும், ரவி கே சந்திரனின் ஒளிப்பதிவும் மிரள வைக்கின்றன.

இந்த டீசரின் ஒரு காட்சியில் கமல்ஹாசன் குருதிப்புனல் படத்தில் வருவது போல மிகவும் இளமையாக கூலிங் க்ளாஸ் அணிந்து வரும் ஷாட் ஒன்று இடம்பெற்றுள்ளது. இதனால் இளமையான கமல்ஹாசனின் காட்சிகள் சில படத்தில் இருக்கலாம் என எதிர்பார்க்கப்படுகிறது. பெரும் எதிர்பார்ப்பை ஏற்படுத்தியுள்ள இந்த படம் ஜூன் 5, 2025ம் ஆண்டு வெளியாவதாக படக்குழு அறிவித்துள்ளது.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்