ETR.FM

நயன்தாரா பாடலுக்கு ஐஸ்வர்யா தத்தா ஆட்டம்

23.09.2021 16:47 1 நிமிட வாசிப்பு
நயன்தாரா பாடலுக்கு ஐஸ்வர்யா தத்தா ஆட்டம்

நகுல் நடிப்பில் வெளியான 'தமிழுக்கு என ஒன்றை அழுத்தவும்' படத்தின் மூலம் கதாநாயகியாக அறிமுகமானார் ஐஸ்வர்யா தத்தா. அதன் பின்னர் பெரிய அளவில் வாய்ப்புகள் அமையாததால் கமல்ஹாசன் தொகுத்து வழங்கிய பிக்பாஸ் நிகழ்ச்சியின் இரண்டாவது சீசனில் பங்கேற்றார். தற்போது மகத் நடிப்பில் உருவாகி வரும் 'காதல் Condition apply' என்ற படத்தில் நடித்து வருகிறார். இந்த படம் இறுதிக்கட்ட பணிகளில் உள்ளதால் விரைவில் ரிலீசாகும் என தெரிகிறது.

இந்நிலையில் விக்னேஷ் சிவன் இயக்கத்தில் நயன்தாரா நடிப்பில் உருவாகி வரும் 'காத்து வாக்குல ரெண்டு காதல்' படத்தின் இரண்டாவது சிங்கிள் பாடல் சமீபத்தில் வெளியானது. அனிரூத் இசையில் வெளியான 'டூ.. டூ.. டூ' என்ற பாடல் சூப்பர் ஹிட்டடித்துள்ளது. இந்த பாடலுக்கு திரை நட்சத்திரங்களும், ரசிகர்களும் நடனமாடி வீடியோ வெளியிட்டு வரும் நிலையில் நடிகை ஐஸ்வர்யா தத்தாவும் நடனமாடும் வீடியோவை வெளியிட்டுள்ளார். இன்ஸ்டாகிராம் பக்கத்தில் வெளியிடப்பட்டுள்ள இந்த வீடியோ ரசிகர்களை வெகுவாக கவர்ந்துள்ளது.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்