முருங்கைக்காய் சிப்ஸ் படத்துக்கு ஏ சான்று

முருங்கைக்காய் என்றாலே கே.பாக்யராஜ் தான் அனைவருக்கும் நினைவுக்கு வருவார். அந்த அளவுக்கு முந்தானை முடிச்சு படத்தில் முருங்கைக்காயை வைத்து அடல்ட் காமெடி செய்திருந்தார்.

இந்தநிலையில் தற்போது அவரது மகனான சாந்தனு நடித்துள்ள புதிய படத்திற்கு முருங்கைக்காய் சிப்ஸ் என்று தலைப்பு வைக்கப்பட்டுள்ளது. டிசம்பர் 10-ந்தேதி வெளியாக உள்ள அப்படத்தில் அதுல்யா ரவி நாயகியாக நடித்துள்ளார்.

அதோடு, முந்தானை முடிச்சு படத்தில் இணைந்து நடித்த கே.பாக்யராஜ், ஊர்வசி ஆகிய இருவரும் முக்கிய வேடங்களில் நடிக்க, யோகிபாபு, மொட்டை ராஜேந்திரன் காமெடி செய்துள்ளனர். இந்தநிலையில் இந்த படத்தைப்பார்த்து சென்சார் போர்டு அதிகாரிகள் ஏ சான்றிதழ் வழங்கியுள்ளனர்.