ETR.FM

படத்தில் நடிப்பதை உறுதிசெய்த பஹத் பாசில் !

07.04.2021 09:57 1 நிமிட வாசிப்பு
படத்தில் நடிப்பதை உறுதிசெய்த பஹத் பாசில் !

மலையாள நடிகரான பஹத் பாசில் தமிழில் ஏற்கனவே வேலைக்காரன், சூப்பர் டீலக்ஸ் போன்ற படங்களில் நடித்துள்ளார் என்பது குறிப்பிடத்தக்கது.

மாநகரம், கைதி, மாஸ்டர் என ஹாட்ரிக் ஹிட் படங்களை கொடுத்து தமிழ் சினிமாவின் தவிர்க்க முடியாத இயக்குனர்கள் பட்டியலில் இடம்பிடித்துள்ளார் லோகேஷ் கனகராஜ். இவர் அடுத்ததாக இயக்கும் படம் விக்ரம். கமல் நடிப்பில் உருவாக உள்ள இப்படம் குறித்த அறிவிப்பு கடந்தாண்டு நவம்பர் மாதமே வெளியானது. இருப்பினும் படப்பிடிப்பு இன்னும் தொடங்கப்படவில்லை.
 

இதனிடையே விக்ரம் படத்தில் கமலுக்கு வில்லனாக பஹத் பாசில் நடிக்க உள்ளதாக அண்மையில் தகவல் வெளியானது. இந்நிலையில், நடிகர் பஹத் பாசில், சமீபத்திய பேட்டியில் அதனை உறுதி செய்துள்ளார். மேலும் இப்படத்தில் அரசியல்வாதியாக நடிக்க உள்ளதாகவும், அந்த கதாபாத்திரம் மிகவும் பிடித்திருந்ததால் உடனே நடிக்க சம்மதம் தெரிவித்ததாகவும் பஹத் பாசில் கூறி உள்ளார்.

விக்ரம் படத்தில் பஹத் பாசில் இணைந்துள்ளதால் படத்தின் மீதான எதிர்பார்ப்பு மேலும் அதிகரித்துள்ளது. இவர் ஏற்கனவே மோகன் ராஜா இயக்கிய வேலைக்காரன் படத்தில் சிவகார்த்திகேயனுக்கு வில்லனாக நடித்திருந்தார் என்பது குறிப்பிடத்தக்கது.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்