சக்தி இசைக்குழுவுக்கு கிராமி விருது!

சிறந்த அல்பத்துக்கான கிராமி விருதை இந்தியாவின் சக்தி இசைக்குழு வென்று சாதனை படைத்துள்ளது.

இசைத்துறையின் உயரிய விருதாகக் கருதப்படும் கிராமி விருது விழாவானது அமெரிக்காவில் தற்போது நடைபெற்று வருகின்றது.

இந்நிலையில் சங்கர் மகாதேவன், செல்வகணேஷ் விநாயக்ராம், கணேஷ் ராஜகோபாலன், ஜாகீர் உசேன் ஆகியோர் அடங்கிய இசைக்குழு இணைந்து உருவாக்கிய சக்தி அல்பத்துக்கு சிறந்த அல்பம் பிரிவில் கிராமி விருது கிடைத்துள்ளது.

குறித்த அல்பத்தில் மொத்தமாக 8 பாடல்கள் உள்ளன. இந்நிலையில் விருதுபெற்ற சக்தி இசைக்குழுவுக்கு பல்வேறு தரப்பினரும் தமது  வாழ்த்துக்களைத்  தெரிவித்து வருகின்றனர்.