அஜித், விஜய் ரசிகர்கள் அக்கப்போர்

நடிகர்கள் அஜித், விஜய் ரசிகர்கள் டுவிட்டரில் மீண்டும் மோதலில் இறங்கிவிட்டனர். சமீபத்தில் மருத்துவமனையில் அஜித்தை வீடியோ எடுத்த விவகாரத்தில் பணிநீக்கம் செய்யப்பட்ட பெண் அஜித் வீட்டு முன்பு தீக்குளிக்க முயன்றார். அவரை போலீசார் தடுத்தனர். ‛என் நிலைமைக்கு அஜித் தான் காரணம்' என அப்பெண் குற்றம் சாட்டினார். இதுகுறித்த வீடியோவும் வெளியானது.

இதை விஜய் ரசிகர்கள், ‛வாழ விடுங்க அஜித்' என்ற தலைப்பில் டுவிட்டரில் டிரெண்ட் ஆக்கினர். இதற்கு பதிலடியாக அஜித் ரசிகர்கள், விஜய் குடும்ப பிரச்னையை கையில் எடுத்தனர். டுவிட்டரில், ‛பெத்தவர்ட்ட பேசுங்க விஜய்' என்ற தலைப்பை டிரெண் செய்தனர். சம்பந்தப்பட்ட நடிகர்களை பொறுத்தவரை சீரியஸான இப்பிரச்னை, டுவிட்டரில் பொழுதுபோக்கு பிரிவில் போட்டி போட்டு முதலிரண்டு இடத்தை பிடித்தது குறிப்பிடத்தக்கது.