சொகுசு கார் வாங்கிய அடுத்த விஜய் டிவி பிரபலம்

11.09.2021 15:55:01

விஜே மணிமேகலை புதிதாக சொகுசு கார் ஒன்றை வாங்கியுள்ளார். இதை இன்ஸ்டாகிராமில் பதிவிட்ட அவருக்கு தற்போது வாழ்த்துகள் குவிந்து வருகிறது.

தொலைக்காட்சி தொகுப்பாளினியாக வாழ்க்கையை தொடங்கிய மணிமேகலை சன் மியூசிக்கில் இருந்த போது மிகவும் பிரபலமானார். ஹுசைன் என்பவரை காதலித்து திருமணம் செய்து கொண்ட பின் சிறிது காலம் திரையில் தோன்றாமல் இருந்தார். அதன் பின் விஜய் டிவி ரியாலிட்டி ஷோக்களில் கலந்து கொண்டு மீண்டும் திரை வெளிச்சத்தில் உலா வருகிறார். மணிமேகலை தற்போது தனது கனவு காரான பி.எம்.டபிள்யூ சொகுசு கார் ஒன்றை வாங்கியுள்ளார். இதை இன்ஸ்டாகிராமில் பதிவிட்டுள்ள அவர், ஹுசைன் மணிமேகலையின் சொந்த பி.எம்.டபிள்யூ. சொந்த முயற்சியில் கிடைத்த வெற்றி என கூறியுள்ளார். இதனையடுத்து மணிமேகலைக்கு வாழ்த்துகள் குவிந்து வருகிறது.

விஜய் டிவி பிரபலங்கள் தொடர்ச்சியாக கார்களை வாங்கி வருகின்றன. புகழ், ஈரோடு மகேஷ், ஷிவானி, ஜாக்குலின், தாடி பாலாஜி ஆகியோரை தொடர்ந்து மணிமேகலையும் இப்போது புதிதாக பி.எம்.டபிள்யூ காரை வாங்கி உள்ளார்.