ETR.FM

இலங்கையுடனான கடல்சார் இணைப்பை மேம்படுத்த தமிழக அரசு நடவடிக்கை.

18.11.2026 15:20 2 நிமிட வாசிப்பு
இலங்கையுடனான கடல்சார் இணைப்பை மேம்படுத்த தமிழக அரசு நடவடிக்கை.

இந்தியாவின் ராமேஸ்வரத்திற்கும் இலங்கையின் தலைமன்னாருக்கும் இடையே சர்வதேச பயணிகள் படகுச் சேவையைத் தொடங்க வேண்டும் என்று தமிழக அரசு செவ்வாய்க்கிழமை (17) மத்திய அரசை வலியுறுத்தியது.

தீவுகள்ஆராயுங்கள்

மேலும், கல்வித் திட்டத்திற்கான நிலுவைத் தொகையை உடனடியாக விடுவிக்குமாறும் கோரிக்கை விடுத்தது.

பொதுப்பணி மற்றும் விளையாட்டு மேம்பாட்டுத்துறை அமைச்சர் ஆதவ் அர்ஜுனா மற்றும் பாடசாலைக் கல்வித்துறை அமைச்சர் ஏ. ராஜமோகன் ஆகியோர், தலைநகர் டெல்லியில் மத்திய அமைச்சர்களைச் சந்தித்தபோது, ​​மாநிலத்தின் இந்தக் கோரிக்கைகளை முன்வைத்தனர்.

துறைமுகங்கள், கப்பல் போக்குவரத்து மற்றும் நீர்வழிகள் துறை மத்திய அமைச்சர் சர்பானந்த சோனோவாலைச் சந்தித்த அர்ஜுனா, இணைப்பு வசதியையும் வர்த்தகத்தையும் மேம்படுத்துவதை நோக்கமாகக் கொண்ட ஐந்து முக்கிய கடற்கரை மற்றும் நீர்வழித் திட்டங்களுக்காக, 9,618 கோடி இந்திய ரூபாய் மத்திய நிதியுதவி கோரும் மனுவைச் சமர்ப்பித்தார்.

முக்கிய கடல்சார் உள்கட்டமைப்புத் திட்டங்களில், ராமேஸ்வரம் துறைமுகத்தை மேம்படுத்துவதற்கும், ராமேஸ்வரம் மற்றும் தலைமன்னார் இடையே சர்வதேச பயணிகள் படகு சேவையைத் தொடங்குவதற்கும் 118 கோடி இந்திய ரூபாய் ஒதுக்கீடு செய்யப்பட்டுள்ளது.

கடலூரில் ரூ. 4,700 கோடியில் புதிய ஆழமான துறைமுகத்தை உருவாக்குதல், பக்கிங்ஹாம் கால்வாயைச் சீரமைக்க ரூ. 2,700 கோடி, பாம்பன் கால்வாயை ஆழப்படுத்த ரூ. 1,200 கோடி, மேலும் சென்னை மெரினா, மாமல்லபுரம் மற்றும் புதுச்சேரியில் கடற்கரை நடைபாதைகள் மற்றும் படகுத் துறைகளை அமைத்தல், அத்துடன் சென்னை–புதுச்சேரி இடையே பயணிகள் படகு சேவையைத் தொடங்குதல் ஆகியவற்றுக்காக ரூ. 900 கோடி ஒதுக்கப்பட்டுள்ளதாக ஒரு செய்திக்குறிப்பில் தெரிவிக்கப்பட்டுள்ளது.

மத்திய கல்வி அமைச்சர் பிரல்ஹாத் ஜோஷியைச் சந்தித்த அமைச்சர் ராஜ்மோகன், முக்கியமான கல்வி முன்னுரிமைகள் குறித்து விவாதித்ததுடன், தமிழ்நாட்டிற்கு வழங்கப்பட வேண்டிய மத்திய நிதி நிலுவை குறித்த மனு ஒன்றையும் அவரிடம் சமர்ப்பித்தார்.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்