தொடர்ச்சியாக 5வது நாட்களாக தங்கம் விலையில் வீழ்ச்சி

தங்கம் விலை கடந்த 2 மாதத்துக்கும் மேலாக ஒரு நிலையில் இல்லாமல் ஏற்றம், இறக்கத்துடன் காணப்படுகிறது. சில நாட்களில் தங்கம் விலை தொடர்ச்சியாக உயர்ந்து வந்தது. அதேநேரத்தில், விலை குறைந்து வந்ததையும் காணமுடிந்தது.

இந்த நிலையில் கடந்த 4ம் தேதி ஒரு கிராம் தங்கம் 4,531க்கும், சவரன் 36,248க்கும் விற்கப்பட்டது. 5ம் தேதி தங்கம் கிராமுக்கு 8 குறைந்து ஒரு கிராம் 4,523க்கும், சவரனுக்கு 64 குறைந்து ஒரு சவரன் 36,184க்கும் விற்கப்பட்டது.

6ம் தேதி கிராமுக்கு 22 குறைந்து ஒரு கிராம் 4,501க்கும், சவரனுக்கு 176 குறைந்து ஒரு சவரன் 36,008க்கும் விற்கப்பட்டது. 7ம் தேதி தங்கம் விலை கிடு, கிடுவென சரிவை சந்தித்தது. அதாவது, கிராமுக்கு 61 குறைந்து ஒரு கிராம் 4,440க்கும், சவரனுக்கு 488 குறைந்து ஒரு சவரன் 35,520க்கும் விற்கப்பட்டது.

நேற்றைய நிலவரப்படி, கிராமுக்கு 60 குறைந்து ஒரு கிராம் 4,380க்கும், சவரனுக்கு 480 குறைந்து ஒரு சவரன் 35,040க்கும் விற்கப்பட்டது. இந்த நிலையில் தொடர்ச்சியாக 5வது நாட்களாக இன்றும் தங்கம் விலை சரிவை கண்டுள்ளது. சென்னையில் 22 கேரட் ஆபரணத் தங்கத்தின் விலை சவரனுக்கு ரூ.144 குறைந்து ரூ.34,984க்கு விற்பனை செய்யப்படுகிறது. கிராமுக்கு ரூ.18 குறைந்து ரூ.4,373க்கு விற்பனை செய்யப்படுகிறது.

தொடர்ச்சியாக 5 நாட்களில் மட்டும் தங்கம் விலை சவரனுக்கு 1,264 ரூபாய் குறைந்துள்ளது. இதன் மூலம் தங்கம் விலை குறைந்து மீண்டும் 35 ஆயிரத்தை நெருங்கியது. தங்கம் விலை தொடர்ந்து சரிவை சந்தித்து வருவது நகை வாங்குவோருக்கு மேலும் மகிழ்ச்சியை ஏற்படுத்தியுள்ளது. அதே சமயம் சென்னையில் வெள்ளியின் விலை கிராமுக்கு 60 காசு குறைந்து ரூ.68.20க்கு விற்பனையாகிறது.