புதிய தொற்றாளர்களின் எண்ணிக்கை மேலும் குறைந்தது!
08.02.2021
10:10
1 நிமிட வாசிப்பு
இந்தியாவில் கொரோனா தொற்றினால் பாதிக்கப்படுவோரின் எண்ணிக்கை கணிசமாக குறைவடைந்துள்ளது. அந்தவகையில் நேற்று (ஞாயிற்றுக்கிழமை) ஒரேநாளில் 11 ஆயிரத்து 673 புதிய தொற்றாளர்கள் இனங்காணப்பட்டுள்ளனர்.
இதனைத் தொடர்ந்து பாதிக்கப்பட்டுள்ளவர்களின் மொத்த எண்ணிக்கை 10,838,834 ஆக அதிகரித்துள்ளது. இவர்களில் 10,533,076 குணமடைந்துள்ளனர்.
அத்துடன் 1 இலட்சத்து 50 ஆயிரத்து 653 பேர் தொடர்ந்து வைத்தியசாலையில் சிகிச்சைப் பெற்று வருகின்ற நிலையில் இவர்களில் 8 ஆயிரத்திற்கும் அதிகமானோரின் நிலை கவலைக்கிடமாக உள்ளது.
மேலும் நேற்று ஒரேநாளில் 86 பேர் உயிரிழந்துள்ள நிலையில் உயிரிழந்துள்ளோரின் மொத்த எண்ணிக்கை 1 இலட்சத்து 55 ஆயிரத்து 114 ஆக அதிகரித்துள்ளது.