ஒரே நாளில் ஆர்மியை உருவாக்கிய பவனி ரெட்டி

திரை பிரபலங்களுக்கு பேன்ஸ், பேன்ஸ் க்ளப் என்ற பெயரில் ரசிகர்கள் கூட்டம் குவிவது வழக்கம். இந்த கூட்டம் ஆர்மியாக மாறியதெல்லாம் பிக்பாஸ் நிகழ்ச்சி வந்த பிறகு தான். பிக்பாஸ் முதல் சீசனில் கூட ஓவியா ஓரளவு பிரபலமான பிறகு தான் அவருக்காக ஆர்மி தொடங்கப்பட்டது.

ஆனால் பிக்பாஸ் பவனி ரெட்டிக்கு ஒரே நாளில் ஆர்மியை தொடங்கிவிட்டார்கள் நமது நெட்டீசன்கள். 18 போட்டியாளர்களை கொண்ட பிக்பாஸ் சீசன் 5-ல் பவனி ரெட்டிக்கு மட்டும் தான் தற்போது ஆர்மி தொடங்கப்பட்டுள்ளது. பிக்பாஸ் துவக்க நிகழ்ச்சியில் பேசிய பவனி ரெட்டி தனது கணவரது தற்கொலை குறித்து உருக்கமாக பேசியிருந்தார்.

மேலும், தான் பிக்பாஸ் வருவதே மற்றவர்கள் தன்னை பற்றி தெரிந்து கொள்ளத்தான் என்றும், எப்போதும் இண்ட்ரோவெர்ட்டாக இருக்கும் நான் இந்த முறை வெளிப்படையாக இருக்க போவதாகவும் கூறியிருந்தார். இந்நிலையில் அவருக்காக ஆர்மி தொடங்கப்பட்டு சமூக வலைதளங்களில் அதிக அளவில் மீம்ஸ்கள் பகிரப்பட்டு வருகிறது.