அமலாபால் தம்பி அபிஜித்திற்கு திருமணம்

தமிழ், தெலுங்கில் பிரபல நடிகையாக இருப்பவர் அமலாபால். கடந்த 2014ல் இயக்குனர் ஏ.எல்.விஜய்யை திருமணம் செய்தவர் பின்னர் அவரை பிரிந்தார். விவாகரத்துக்குப் பிறகு மீண்டும் சினிமாவில் நடிக்கத் தொடங்கிய அமலாபால், ஆடை என்ற படத்தில் நிர்வாணமாக நடித்து பரபரப்பை ஏற்படுத்தினார். தற்போது வெப்சீரிஸில் அதிக ஆர்வம் காட்டி வருகிறார்.

சமூகவலைதளங்களில் ஆக்டிவ்வாக இருக்கும் அமலா தனது தம்பி உடனான கலாட்டாக்களை வீடியோக்களை அவ்வப்போது பகிர்வார். இப்போது தனது தம்பி அபிஜித்திற்கு திருமணம் நடந்துள்ளது. இதுதொடர்பான ஒரு வீடியோ தொகுப்பை தனது இன்ஸ்டாவில் வெளியிட்டிருக்கும் அமலாபால் தனது மகிழ்ச்சியையும், தம்பியின் திருமணத்திற்கு வாழ்த்தையும் தெரிவித்துள்ளார்.