தீபாவளிக்கு பிறகு வெளியாகிறது ரீல் எம்ஜிஆரின் உழைக்கும் கைகள்

மக்கள் திலகம் எம்.ஜி.ஆர் மறைந்து பல ஆண்டுகள் ஆனாலும் இன்னும் அவர் ஏதோ ஒரு வடிவத்தில் வாழ்ந்து கொண்டு தான் இருக்கிறார். அரசியலில் எம்.ஜி.ஆர் பெயரை தினமும் உச்சரிக்காமல் இருக்க முடியாது. சினிமாவை பொறுத்தவரை எம்.ஜி.ஆரைப்போல உடை அணிந்து அவரைப்போலவே பலர் வாழ்ந்து கொண்டிருக்கிறார்கள். பலர் மேடைகளில் நடனமாடிக் கொண்டிருக்கிறார்கள்.

அந்த வரிசையில் எம்.ஜி.ஆரைப் போன்று உடை அணிந்து வாழ்ந்து, மேடைகளில் ஆடி வரும் நாமக்கல் எம்.ஜி.ஆர் என்ற மேடை நாடக கலைஞர் உழைக்கும் கைகள் என்ற படத்தில் எம்.ஜி.ஆராக நடித்திருக்கிறார். கிரண்மை, ஜாக்குவார் தங்கம், போண்டாமணி ஆகியோர் நடித்துள்ளனர், சங்கர்கணேஷ் இசையமைத்துள்ளார்.

டாக்டர் குமரகுருபரன், சூர்யா தயாரிப்பில் இந்த படம் தயாராகி உள்ளது. படத்தின் பர்ஸ்ட் லுக் போஸ்டர் வெளியீட்டு விழா நடந்தது. வேல்ஸ் இன்ஸ்டிடியூட்டின் வேந்தரும் திரைப்பட தயாரிப்பாளருமான ஐசரி கணேஷ் வெளியிட்டு வாழ்த்தினார். தீபாவளிக்கு பிறகுபடத்தினை திரையரங்குகளில் திரையிட திட்டமிட்டு செயலாற்றி வருகிறார்கள்.