ETR.FM

இந்தியாவில் 100 கோடி வசூலைக் கடந்த 'ஸ்பைடர்மேன்'

20.12.2021 10:35 1 நிமிட வாசிப்பு
இந்தியாவில் 100 கோடி வசூலைக் கடந்த 'ஸ்பைடர்மேன்'

ஜோன் வாட்ஸ் இயக்கத்தில், டாம் ஹாலந்த், ஜென்டயா மற்றும் பலர் நடித்த 'ஸ்பைடர்மேன் - நோ வே ஹோம்' படம் கடந்த வாரம் டிசம்பர் 16ம் தேதி இந்தியா முழுவதும், ஆங்கிலம், ஹிந்தி, தமிழ், மலையாளம் ஆகிய மொழிகளில் வெளியானது. இப்படத்திற்கு இந்தியாவில் மிகப் பெரும் வரவேற்பு கிடைத்தது. இந்திய மொழிப் படங்களை விடவும் இந்தப் படத்தின் வசூல் அதிகமாக இருந்ததாகத் தெரிவிக்கிறார்கள்.

பாலிவுட் டிராக்கரான தரன் ஆதர்ஷ் 'ஸ்பைடர்மேன்' படத்தின் வசூல் வியாழன், வெள்ளி, சனி ஆகிய நாட்களிலேயே 100 கோடி வசூலைக் கடந்துவிட்டதாகத் தெரிவிக்கிறார். நிகர வசூல் 79 கோடி, அதில் வியாழன் 32.67 கோடி, வெள்ளி 20.37 கோடி, சனி 26.10 கோடி வசூலித்துள்ளதாம். இதன் மூலம் இந்த ஆண்டில் அதிக வசூலித்த 'சூர்யவன்ஷி' படத்தின் நிகர வசூலான 77 கோடியை 'ஸ்பைடர்மேன்' முந்தியுள்ளது.

இந்தியாவில் அதிக வசூல் செய்த ஹாலிவுட் படம் என்ற பெருமையை 446 கோடி வசூலுடன் 2019ல் வெளிவந்த 'அவஞ்சர்ஸ் என்ட்கேம்' வைத்துள்ளது.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்