ETR.FM

சூர்யா 44 ஷூட்டிங் ஓவர்

08.10.2024 07:08 1 நிமிட வாசிப்பு
சூர்யா 44 ஷூட்டிங் ஓவர்

சூர்யா நடிப்பில் கிட்டத்தட்ட இரண்டு ஆண்டுகளுக்கும் மேலாக உருவாகி வரும்  கங்குவா படத்தை சிறுத்தை சிவா மிக பிரம்மாண்டமாக இயக்கி வருகிரார்.  இந்த கதை நிகழ்காலம் மற்றும் சில நூற்றாண்டுகளுக்கு முந்தைய காலம் என இரு காலகட்டங்களில் நடக்கும் விதமாக உருவாக்கப்பட்டுள்ளது. படத்தில் பாபி தியோல், திஷா பதானி, கே எஸ் ரவிக்குமார் உள்ளிட்டவர்கள் நடிக்க, வெற்றி ஒளிப்பதிவு மேற்கொள்ள, தேவி ஸ்ரீ பிரசாத் இசையமைத்துள்ளார்.
 

இந்த படத்தின் ஷூட்டிங் நடந்து முடிந்துள்ள நிலையில் தற்போது போஸ்ட் புரொடக்‌ஷன் பணிகள் நடந்து வருகின்றன.படம் 10 மொழிகளில் ரிலீஸ் ஆகவுள்ளதாக சொல்லப்படுகிறது. படத்தின் ரிலீஸ் நவம்பர் 14 ஆம் தேதி என அறிவிக்கப்பட்டுள்ளது. சூர்யா படம் ரிலீஸாகி இரண்டரை ஆண்டுகளுக்கு மேலாகியுள்ளதால் கங்குவா படம் மீது எதிர்பார்ப்பு அதிகமாக உள்ளது.
 

இந்நிலையில் இந்த படத்துக்குப் பிறகு சூர்யா நடிக்க ஆரம்பித்த ‘சூர்யா 44’ படத்தின் ஷூட்டிங்கே நேற்று முடிந்துவிட்டது. இந்நிலையில் இனிமேல் ஒரு மாதம் முழுவதும் சூர்யா கங்குவா படத்தின் ப்ரமோஷன் பணிகளில் கவனம் செலுத்த உள்ளதாக சொல்லப்படுகிறது. மேலும் படத்தின் ஆடியோ ரிலீஸ் அக்டோபர் 20 ஆம் தேதி நடக்கவுள்ளதாக சொல்லப்படுகிறது.

பகிர்ந்து கொள்ளுங்கள்
Facebook WhatsApp
LIVE ETR நிகழ்வுகள்